కర్నూలు ( కొలిమి గుండ్ల): కర్నూలు జిల్లా బనగానపల్లె నియోజకవర్గం కొలిమిగుండ్లలో వ్యక్తి దారుణ హత్య కు గురయ్యాడు. ఇవ్వాల (బుధవారం) తెల్లారుజామున ఈ ఘ‌ట‌న జ‌రిగింది. కొలిమిగుండ్ల టౌన్ లోని తేరు బజార్ కు చెందిన సుబ్బరామ కృష్ణ (48) నిత్యకృత్యాల లో భాగంగా వీధిలో వెళ్తూ ఉండగా.. అదే వీదికి చెందిన శెనగల శేషుగోపాలు ఆయన కుమారులైన లక్ష్మీనారాయణ, తేజ దాడి చేశారు. ఇనుప రాడ్లు, పిడిబాకుతో పొడిచి చంపినట్లు పోలీసుల సమాచారం. ఈ హత్యకు భూ వివాదాలే ప్ర‌ధాన కార‌ణ‌మ‌ని పోలీసులు చెబుతున్నారు.
భూమి విషయంలో సుబ్బు రామకృష్ణ తమ భూమిని ఆక్రమించారని కోర్టును ఆశ్రయించారు. కోర్టుఆదేశాల మేరకు రెండు రోజుల క్రితం రామకృష్ణ తమ లాయర్ తో కలిసి కొలతలు వేయించగా శనగల గోపాల్ వారి బంధువులకు చెందిన భూమిలో 8 సెంట్లు సుబ్బు రామకృష్ణ భూమి కలిసినట్లు గుర్తించారు. ఈ విషయంపై నిన్న ఇరువురి మధ్య వివాదం చెలరేగింది. ఆ తరువాత సద్దుమణిగింది. ఐతే ఈ విషయం జీర్ణించుకోలేక తెల్లవారు జామున బహిర్భూమికి వెళ్తున్న సుబ్బ రామకృష్ణ పై గోపాల్ , తమ కుమారులతో కలిసి దాడి చేసి హత్య చేశారని పోలీసులు అనుమానిస్తున్నారు. కేవలం 8 సెంట్ ల భూమి కోసం ఈ హత్య జరగడం దారుణమని ప్రజలు పేర్కొంటున్నారు.