ప్రభన్యూస్, ఆళ్లగడ్డ రూరల్: కర్నూలు జిల్లా ఆళ్లగడ్డ-నంద్యాల హైవేలోని గోదాం సమీపంలో మంగళవారం ఉదయం 11.45 నిమిషాలకు ఇన్నోవా కారు టైర్ పేలి యాక్సిడెంట్ జ‌రిగింది. కారు ప‌ల్టీ కొడుతూ డివైడర్ దాటుకుని అటువైపు వస్తున్న ద్విచక్ర వాహనంపై ప‌డింది. ఈ యాక్సిడెంట్లో బైక్పై వస్తున్న ముగ్గురు అక్కడికక్కడే చనిపోయారు. కారులో ఉన్న వ్యక్తికి తీవ్ర గాయాలయ్యాయి.
ఈ ఘటనలో బైకుపై వెళ్తున్న శీరువెళ్లకు చెందిన ముగ్గురు వ్యక్తులు అక్కడికక్కడే చనిపోయారు. కారులో ఉన్న వ్యక్తికి తీవ్ర గాయాలయ్యాయి. సమాచారం అందుకున్న డీఎస్పీ రాజేంద్ర ఘటనాస్థలికి చేరుకొని ప్రమాద తీరును పరిశీలించారు. క్షతగాత్రుడిని స్థానిక ఆస్పత్రికి తరలించి చికిత్స అందిస్తున్నారు. మృతదేహాలను ఆళ్లగడ్డ ప్రభుత్వాస్పత్రికి తరలించారు. ఘటనపై కేసు నమోదు చేసి దర్యాప్తు చేస్తున్నట్లు డీఎస్పీ తెలిపారు.