గుంటూరు జిల్లా గురజాల నియోజకవర్గంలో దారుణం జరిగింది. టీడీపీ కార్యకర్తను ప్రత్యర్థులు చిత‌క‌బాదిన ఘ‌ట‌న చోటుచేసుకుంది, వైసీపీ నేతలే దాడి చేశార‌ని బాధితులు ఆరోపిస్తున్నారు. కాగా, పిడుగురాళ్ల మండలం తుమ్మలచెరువుకు చెందిన సైదాబిపై విచక్షణా రహితంగా దాడి చేశారు. ఈ దాడిలో సైదాబి తీవ్రంగా గాయపడ్డారు. బైక్ పై పెళ్లికి వెళ్లి వస్తుండగా దారిలో అడ్డగించి రాళ్లు, కర్రలతో దాడి చేసిన‌ట్టు తెలుస్తోంది. పొలానికి సంబంధించిన దారి విషయంలో కావాలనే గొడవపడ్డార‌ని సైదాబి కుమారుడు జిలానీ చెబుతున్నాడు. కాగా, నరసరావుపేటలో ఓ ప్రైవేటు ఆస్ప‌త్రిలో సైదాబి చికిత్స పొందుతున్నారు.
అయితే.. పిడుగురాళ్ల పట్టణంలోని కళ్లెం టౌన్ షిప్ దగ్గర లోని గ్రీన్ ల్యాండ్ హోటల్ వద్ద ఈ గొడవ జరిగింది. తుమ్మలచెరువు టీడీపీ నాయకుడు షేక్ సైదాబీని కొందరు గుర్తుతెలియని వ్య‌క్తులు, యువకులు దాడి చేసినట్లు వీడియో వైర‌ల్ అవుతోంది.
లోక‌ల్ టు గ్లోబ‌ల్.. ఆంధ్రప్రభ న్యూస్ కోసం ఫేస్‌బుక్‌, ట్విట్టర్ పేజీల‌ను ఫాలో అవ్వండి..