వానాకాలం సీజన్ స్టార్ట్ అయినా ఇంకా మండుటెండులు తగ్గలేదు. నిండు వేసవిలో ఎలా ఉంటుందో జూన్ నెల సగం దాటుతున్నా వాతావరణం ఎండాకాలం మాదిరిగానే భగభగ మండిపోతోంది. ఏపీలో టెంపరేచర్లు టెంపర్ పెంచుతుంటే.. ఉక్కపోత తట్టుకోలేక జనాలకు బీపీ లేస్తోంది. జూన్ రెండో వారం వచ్చినా చినుకు జాడ లేకపోవడం, వాతావరణంలో తీవ్ర పరిణామాలు చోటుచేసుకోవడంతో ఆంధ్రప్రదేశ్ ప్రజలు అల్లాడిపోతున్నారు.
నిత్యం పచ్చదనం, నీటి వనరులతో కూల్కూల్గా ఉండే ఏపీలోని తూర్పుగోదావరి జిల్లా ఇవ్వాల (ఆదివారం) భగ్గున మండిపోయింది. ఈస్ట్లో ఇవ్వాల అత్యధికంగా 45.4 డిగ్రీల టెంపరేచర్లు నమోదయ్యాయి. ప్రకాశం జిల్లాలో 45.3 డిగ్రీలు నమోదైనట్టు వాతావరణ శాఖ తెలిపింది. మరో రెండు, మూడు రోజులపాటు ఇదే పరిస్థితి ఉంటుందని, ప్రజలు అప్రమత్తంగా ఉండాలని వెదర్ డిపార్ట్మెంట్ సూచించింది.
- Advertisement -
