(ఆంధ్రప్రభ, ఎన్టీఆర్ బ్యూరో) : ఇటీవల దేశవ్యాప్తంగా హోటళ్లు, విమానయాన సంస్థలకు బాంబు బెదిరింపులు ఎక్కువయ్యాయి. గత 20 రోజులుగా విమానయాన సంస్థలతో పాటు ప్రముఖ హోటళ్లకు బాంబు బెదిరింపు కాల్స్ వస్తున్నాయి. ఇప్పటికే ఆధ్యాత్మిక కేంద్రమైన తిరుపతిలో వరుస బెదిరింపు కాల్స్ వస్తున్నాయి…
తాజాగా అమరావతికి…
తాజాగా, ఆంధ్రప్రదేశ్ రాజధాని అమరావతికి కూడా బాంబు బెదిరింపు కాల్స్ మొదలయ్యాయి. విజయవాడలోని ఓ ప్రముఖ హోటల్లో హోటల్ హలో బాంబులు అమర్చినట్లు కాల్స్ రావడంతో మొత్తం పోలీసు యంత్రాంగం అప్రమత్తమైంది.
క్షుణ్ణంగా తనిఖీలు.. బెదిరింపు మాత్రమే అని నిర్ధారణ
కృష్ణలంక పోలీసులు, బాంబు స్క్వాడ్ సిబ్బంది సహకారంతో హోటల్ మొత్తం విస్తృతంగా గాలింపు చేపట్టారు. హోటల్‌లోని ప్రతి గదిని క్షుణ్ణంగా తనిఖీ చేసిన అనంత‌రం బాంబు లభించలేదని అధికారులు నిర్ధారించారు. అయితే బాంబు బెదిరింపు మెయిల్‌ను సీరియస్‌గా తీసుకున్న పోలీసులు.. అది ఎక్కడి నుంచి వచ్చిందనే విషయంపై సమగ్ర విచారణ జరుపుతున్నారు.