ఆంధ్రప్రదేశ్ లో జరిగిన ఘోర రోడ్డు ప్రమాదంలో నలుగురు దుర్మరణం చెందారు. బాపట్ల జిల్లాలో ఘోర రోడ్డు ప్రమాదం జరిగింది. సంతమాగులూరులో లారీని ఆటో బలంగా ఢీకొట్టింది.ఈ ప్రమాదంలో నలుగురు మృతి చెందారు.మరో ముగ్గురికి తీవ్ర గాయాలు అయ్యాయి. సంతమాగులూరు గుంటూరు – కర్నూలు రహదారి వద్ద ఈ ఘటన చోటు చేసుకుంది. సమాచారం అందిన వెంటనే పోలీసులు ఘటనాస్థలికి చేరుకున్నారు.
క్షతగాత్రులను చికిత్స నిమిత్తం నరసరావుపేట ప్రభుత్వ ఆస్పత్రికి తరలించారు. మృతులు నరసరావుపేట ఆర్కెస్ట్రా గ్రూప్ కి చెందిన వారిగా సమాచారం. ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు