ఎన్టీఆర్ ప్రభ న్యూస్ బ్యూరో ప్రముఖ ఆర్చరీ వెన్నం జ్యోతి సురేఖ సీఎం క్యాంప్‌ కార్యాలయంలో బుధవారం ముఖ్యమంత్రి వైఎస్‌ జగన్‌ను కలిశారు. ఇటీవల బెర్లిన్‌ లో జరిగిన వరల్డ్‌ ఆర్చరీ చాంపియన్‌షిప్, ప్యారిస్‌లో జరిగిన ఆర్చరీ వరల్డ్‌ కప్‌లో పలు పతకాలు సాధించిన జ్యోతి సురేఖను సీఎం వైఎస్‌ జగన్ అభినందిచరు, తాను సాధించిన పతకాలను సీఎం వైఎస్‌ జగన్‌కు ఈ సందర్భంగా సురేఖ చూపించారు. అంతర్జాతీయ వేదికలపై ఆంధ్రప్రదేశ్‌ ప్రతిష్టను వెలుగెత్తిచాటడంపై సురేఖను సీఎం వైఎస్‌ జగన్ ప్రశంసించారు, తనకు డిప్యూటీ కలెక్టర్‌గా పోస్టింగ్‌ ఇచ్చినందుకు ముఖ్యమంత్రికి సురేఖ కృతజ్ఞతలు తెలిపారు.
ఆంధ్రప్రదేశ్‌ ప్రభుత్వం క్రీడాకారులకు పూర్తి సహాయ సహకారాలు అందిస్తూ, క్రీడాకారులను ప్రోత్సహిస్తుందన్న సీఎం, రాబోయే రోజుల్లో ఇదే స్ధాయిలో ఆంధ్రప్రదేశ్‌ పేరు ప్రఖ్యాతలు తీసుకురావాలనీ జగన్ ఆకాంక్షించారు.
ఈ సందర్భంగా సీఎంని కలిసిన సురేఖ తో పాటు తండ్రి వెన్నం సురేంద్ర కుమార్‌ ఉన్నారు.