ఆంధ్రప్రదేశ్ రాష్ట్రంలోని ఈనెల 18 నుంచి 30వ తేదీ వరకూ పదో తరగతి వార్షిక పరీక్షలు జరగబోతున్నాయి. ఈ పరీక్షలకు హాజరయ్యే విద్యార్ధులు హాల్ టికెట్లను అధికారిక వెబ్ సైట్ https://bse.ap .gov.in/ లో డౌన్ లోడ్ చేసుకునే అవకాశం కల్పిస్తున్నారు. అలాగే www.manabadi.co.in వెబ్ సైట్లోనూ హాల్ టికెట్లను అందుబాటులో ఉంచారు. ఇవాళ మధ్యాహ్నం 12 గంటల నుంచి హాల్ టికెట్లను ఆయా వెబ్ సైట్లోకి వెళ్లి డౌన్ లోడ్ చేసుకోవచ్చు. స్కూల్ లాగిన్స్ తో పాటు విద్యార్ధులకు కూడా వీటిని డౌన్ లోడ్ చేసుకునే అవకాశం కల్పించారు.
పదో తరగతి హాల్ టికెట్లను డౌన్ లోడ్ చేసుకునేందుకు విద్యార్ధులు అధికారిక వెబ్ సైట్ https://bse.ap .gov.in/లోకి వెళ్లి పదో తరగతి పరీక్షల లింక్ పై క్లిక్ చేయాలి. అనంతరం యూజర్ ఐడీగా స్కూల్ కోడ్ ను, పాస్ వర్డ్ గా స్కూల్ కు ఇచ్చిన కోడ్ ను ఎంటర్ చేయాల్సి ఉంటుంది. అలాగే స్ట్రీమ్, జిల్లా, స్కూల్ పేరు, విద్యార్ధి పేరు, పుట్టిన తేదీని ఎంటర్ చేసి హాల్ టికెట్ ను డౌన్ లోడ్ చేసుకునే అవకాశం కల్పిస్తున్నారు. ఇలా డౌన్ లోడ్ చేసుకున్న హాల్ టికెట్లను తప్పనిసరిగా ప్రింట్ అవుట్ తీసుకుని ఉంచుకోవాలి. పరీక్షలకు వీటిని తప్పనిసరిగా తీసుకెళ్లాలి.