( ఆంధ్రప్రభ స్మార్, ఎన్టీఆర్ జిల్లా బ్యూరో) ఏపీ మంత్రి మండలి భేటీలో సూపర్ సిక్స్ లో కనీసం ఒక్క సిక్స్ అయినా అమలు చేస్తారు అనుకున్నాం, – మహిళలకు శుభవార్త చెప్తారు అని అనుకున్నాం, – ఉచిత సిలిండర్లు, ఆర్టీసీ లో ఉచిత ప్రయాణం రెండు లో బడ్జెట్ స్కీమ్ లే .. కానీ – బాబు సూపర్ సిక్స్ లు గాలికి కొట్టుకు పోయాయని పీసీసీ చీఫ్ షర్మిలా తీవ్రంగా విమర్శించారు. విజయవాడ ఆంధ్రతర్న భవన్ లో గురువారం విలేఖరుల సమావేశంలో ఏపీ ప్రభుత్వాన్ని దుమ్మెత్తి పోశారు.
ఈ సందర్భంగా షర్మిల మాట్లాడుతూ, పాత సిక్స్ పోయి – కొత్తగా సిక్స్ పాలసీలు వచ్చాయన్నారు. – కొత్త పరిశ్రమలు రాష్ర్టానికి వస్తే మంచిదేనని, – పెట్టుబడులు రావాలి, ఉద్యోగాలు రావాలి, రూ. 30 లక్షల కోట్ల పెట్టుబడులు తీసుకు వస్తామన్నారని, 20 లక్షల మందికి ఉద్యోగాలు కల్పిస్తామని ఆశ చూపారని, కానీ , కానీ ఇవ్వన్నీ అమలుచేసే చిత్త శుద్ధి బాబుకు ఉందా? అని షర్మిల ప్రశ్నించారు. అన్నారు . – 2014 లో పెద్ద పెద్ద పథకాలు అన్నారు, – అమరావతిని సింగపూర్ చేస్తామన్నారు, త్రీడీ గ్రాఫిక్స్ చూపించారని, – అప్పుడు చెప్పిన వాటికి, ఇప్పుడు చెప్పిన వాటికి ఏమాత్రం తేడా లేదని, పాత సినిమా కి కొత్త టైటిల్ పెట్టారని షర్మిల విమర్శించారు. – బాబు చెప్తుంటే ఈ కథ ఎక్కడో విన్నట్లుగా ఉందని, పాత గిఫ్ట్ కొత్త బాక్స్ లో ఇస్తున్నారని, ఇవి అమలు అవుతాయా లేదా అనే అనుమానాలు పెరుగుతున్నాయన్నారు.
జాబ్ ఫస్ట్ సరే… లెక్కలు సరీగా చూడండి
ఒక విషయంలో బాబును స్వాగతిస్తున్నామని, జాబ్ ఫస్ట్ అనే నినాదం మంచిదే, – రాష్ట్రంలో నిరుద్యోగం తారా స్థాయిలో ఉంది, – ఉద్యోగాలు లేక వలసలు పోతున్నారు, – గత 10 ఏళ్లుగా పరిశ్రమలు లేక యువకులు వలసలు పోతున్నారని ఆవేదన వ్యక్తం చేశారు. ప్రస్తుతం రాష్ట్రంలో 50 లక్షల మంది నిరుద్యోగులు ఉన్నారని, ఈ లెక్కన బాబు చెప్పినట్లు ఏడాదికి 4 లక్షల ఉద్యోగాలు ఇస్తే…5 ఏళ్లలో 20 లక్షల మందికి ఉద్యోగాలు ఇస్తారు, ఏడాదికి 4 లక్షల ఉద్యోగాల కల్పన జరిగితే మిగతా వాళ్ల సంగతి ఏంటి ? – ఉద్యోగాలు అని గతంలో మోడీ ప్రభుత్వం కూడా మోసం చేసిందన్నారు.
20 కోట్ల ఉద్యోగాలలో మనకు ఎన్ని వచ్చాయని షర్మిల ప్రశ్నించారు. – ఒక్క ఉద్యోగం ఇవ్వని మోడీ కి ఎందుకు బాబు మద్దతు ఇస్తున్నారు ? – రాష్ట్రంలో మీరు ఇచ్చే 20 లక్షలకు తోడు మరో 30 లక్షల ఉద్యోగాలు మోడీ ఇవ్వాలని, – బాబు కేంద్రాన్ని బాబు డిమాండ్ చేయాలన్నారు. – మోడీ, బాబు ఇద్దరు కలిసి కూర్చొని ఉద్యోగాల కల్పన పై వైట్ పేపర్ రిలీజ్ చేయాలని షర్మిల డిమాండు చేశారు . రాష్ట్రంలో ప్రభుత్వ శాఖల పరిధిలో దాదాపు 3 లక్షల ఉద్యోగాలు ఖాళీగా ఉన్నాయని, – ప్రభుత్వ ఉద్యోగాల భర్తీ ఎప్పుడు చేస్తారో శ్వేత పత్రం విడుదల చేయాలన్నారు. గత 10 ఏళ్లుగా ప్రభుత్వ ఉద్యోగాలు భర్తీ కావడం లేదు, – మొత్తం ఎన్ని ఖాళీలు ఉన్నాయి తేల్చాలని, – జాబ్ క్యాలెండర్ ప్రకారం అన్ని పోస్టులు భర్తీ చేయాలని షర్మిల డిమాండు చేశారు.
లోకేష్ బాబూ… మోడీని నిలదీయండి
మోడీకి ఇచ్చిన మాట లోకేష్ నిలబెట్టుకున్నారట, – 21 మంది ఎంపీలు ఇస్తామని చెప్పి మరీ ఇచ్చారట, అయ్య లోకేష్… మీరు ఇచ్చిన మాట సరే…మోడీ ఇచ్చిన మాట ఏంటి ? – రాష్ట్రంలోని 25 ఎంపీలు అందరు మోడీకి ఊడిగం చేస్తూనే ఉన్నారు. – ఆంధ్ర ప్రదేశ్ కి ప్రత్యేక హోదా ఇస్తామని తిరుపతి లో నిలబడి మోడీ చెప్పారుఆయన ఇచ్చిన మాట ఎక్కడ పోయింది, అని షర్మిల ప్రశ్నించారు. – హోదా వచ్చి ఉంటే… పరిశ్రమల కోసం ఎక్కడికి పోవాల్సిన అవసరం లేదు పోటీ పడి మరీ పరిశ్రమలు వస్తాయన్నారు. – ప్రత్యేక హోదా ఉన్న ఉత్తరాఖండ్ లో 2 వేల పరిశ్రమలు వచ్చాయి, – హిమాచల్ ప్రదేశ్ లో దాదాపు 10 వేల పరిశ్రమలు వచ్చాయి, – మరి హోదా మీద మోడీ ఇచ్చిన మాట ఎక్కడ పోయిందన్నారు. ఇక – పోలవరం నాది భాధ్యత అని మోడీ అన్నారు, అమరావతి రాజధానిని న్యూ ఢిల్లీ మించిన రాజధాని అన్నారు, – మట్టి కొట్టి పోయారు, తప్పితే ఒక్క రూపాయి ఇవ్వలేదని షర్మిల విమర్శించారు. – వెనుక బడిన ప్రాంతాలకు ప్రత్యేక ప్యాకేజీలు అన్నారు, ఇవ్వలేదని, విశాఖ స్టీల్ కి ఒక్క క్యాపిటల్ మైన్ ఇస్తే మోడీకి జరిగే నష్టం ఏముంది ? – మోడీని నిలబెట్టి లోకేష్ అడగాలి అని షర్మిల డిమాండ్ చేశారు. –
నిరుద్యోగ భృతి జాడేది
సూపర్ సిక్స్ పాలసీలు సరే…సూపర్ సిక్స్ పతకాలు ఎక్కడ పోయాయి నిరుద్యోగ భృతి ఉన్నట్లా ? లేనట్లా ? – 2014 లోనే మీరు 2 వేలు నిరుద్యోగ భృతి ఇస్తాం అన్నారు, – ఇప్పుడు 3 వేలు అంటున్నారు. ఇంత వరకు భృతి పై జాడ లేదు, – తల్లికి వందనం నిధుల కోసం పిల్లలు ఎదురు చూస్తున్నారు. – మహాలక్ష్మి పథకం కింద 15 వందలు ఇస్తాం అన్నారు… ఏమయ్యింది ? – ఉచిత సిలిండర్ల కు దసరా అన్నాడు…దీపావళి అన్నారు… రేపు సంక్రాంతి అంటారేమో.. అని షర్మిల ఎద్దెవ చేశారు.
ఏడాదికి 2 వేల నుంచి 4 వేల కోట్లకు ఖర్చు అయ్యే పథకానికి నిధులు లేవా ? – ఆర్టీసీ లో మహిళలకు ఉచిత బస్సు ప్రయాణం ఏమయ్యింది ? అని ప్రశ్నించారు. – హర్యానా ఎన్నికలతో ఏపీ నీ జగన్ ఎలా పోలుస్తారు ?, జగన్ కు తెలియదు ఏమో…- ఇక్కడ ప్రజల నాడికి అనుకూలంగా ఫలితాలు వచ్చాయి, – హర్యానా లో ప్రజల నాడికి వ్యతిరేకంగా తీర్పు వచ్చింది . – ఏపిలో ఫలితాలు అనుకున్నట్లే వచ్చాయి, – జగన్ ప్రభుత్వాన్ని ప్రజలు చీదరించుకున్నారు అని షర్మిల అన్నారు. ఇక – లిక్కర్ విషయంలో జగన్ కి, బాబు కి పెద్ద తేడా లేదన్నారు. – జగన్ హయంలో లిక్కర్ మాఫీయాకు తాడేపల్లి ప్యాలెస్ కి లింక్ ఉందని, – బాబు హయంలో నియోజక వర్గంలోని తమ్ముళ్ళ చేతుల్లో మాఫీయా చేరిందని, లిక్కర్ విషయంలో – ఇద్దరు దొందు దొందే అని షర్మిల ఆరోపించారు.