ఏపీ ఐసెట్‌ అడ్మిషన్స్‌ షెడ్యూల్‌ విడుదల

అమరావతి,ఆంధ్రప్రభ: ఏపీ ఐసెట్‌ 2022 ద్వారా ఆర్హత సాదించిన విద్యార్దులకు ఎంబిఎ, ఎంసిఎలో ప్రవేశానికి గాను ఆంధ్రప్రదేశ్‌ ఉన్నత విద్యా మండలి శనివారం నోటిఫికేషన్‌ విడుదల చేసింది. మొదటి దశ అడ్మిషన్స్‌లో భాగంగా ఎంసిఎ, ఎంబిఎల కోర్సుల్లో ప్రవేశానికి ఈనెల తొమ్మిది నుండి 12వ తేదీ వరకు రిజిస్ట్రేషన్‌ ఉంటుంది. ఈనెల 10 నుండి 14వ తేదీలోపు సర్టిఫికేట్ల వెరిఫికేషన్‌ ఉంటుంది. ఈనెల 14వ తేదీ నుండి 16వ తేదీ వరకు వెబ్‌ అప్షన్స్‌ను నిర్వహిస్తారు. 17వ తేదీన వెబ్‌ అప్షన్ల మార్పు ఉంటుంది. 19వ తేదీన సీట్లను కేటాయిస్తారు. 20వ తేదీ నుండి 22వ తేదీ వరకు సీట్లు పొందిన వాళ్లు ఆ కాలేజీలకు వెళ్లి రిపోర్ట్‌ చేయాల్సి ఉంటుంది. 24వ తేదీ నుండి క్లాసులు ప్రారంభమౌతాయి.