బాసర, జూన్ 6(ప్రభ న్యూస్) : నిర్మల్ జిల్లా బాసర శ్రీ జ్ఞాన సరస్వతి దేవి అమ్మవారి సేవలో ఇవాళ ఆంధ్రప్రదేశ్ హైకోర్టు న్యాయమూర్తి శ్రీనివాస్ రెడ్డి కుటుంబ సమేతంగా పాల్గొన్నారు. ఆలయానికి చేరుకున్న వీరిని ఆలయ ఈఓ విజయరామరావు, ఆలయ అధికారులు, అర్చకులు మంగళ వాయిద్యాలతో పూర్ణకుంభ స్వాగతం పలికారు. అమ్మవారి సన్నిధిలోని నిత్య చండీ హోమం పూజలో పాల్గొన్నారు.
అనంతరం హైకోర్టు న్యాయమూర్తి కె.శ్రీనివాస్ రెడ్డి కుటుంబ సమేతంగా అమ్మవార్లను దర్శించుకొని అర్చకులు ప్రత్యేక కుంకుమార్చన పూజలు నిర్వహింపజేసీ హారతినిచ్చారు. ఆశీర్వచన మండపంలో హైకోర్టు న్యాయమూర్తి దంపతులను, ఆలయ ఈఓ విజయరామరావు, ఆలయ ప్రధాన అర్చకులు సంజీవ్ పూజారి ఆశీర్వదించి శాలువాతో సత్కరించి అమ్మవారి చిత్రపటాన్ని అందజేశారు. వీరి వెంట ఆలయ అధికారులు, పోలీస్ సిబ్బంది పాల్గొన్నారు.
- Advertisement -