అనకాపల్లి 912 కిలోల గంజాయి స్వాధీనం
దీని విలువ రూ 45 లక్షలు
విజయవాడలో 200 కిలోల గంజాయి పట్టివేత
మొత్తం 122 మంది మీద కేసులు నమోదు
విజ‌య‌వాడ – ఎపిలోని రెండు వేర్వేరు జిల్లాల‌లో భారీగా గంజాయిని ప‌ట్ట‌కున్నారు పోలీసులు.. అనకాపల్లి జిల్లాలో ఒడిశా నుంచి ఏపీకి లాకీలొ తరలిస్తోన్న 912 కిలోల గంజాయిని పోలీసులు పట్టుకున్నారు. ఈ ఘ‌ట‌న‌లో ఇద్దరు నిందితులను అరెస్ట్‌ చేశారు. మరో ఐదుగురిని అరెస్టుచేయాల్సి ఉందని అనకాపల్లి జిల్లా ఎస్పీ దీపిక తెలిపారు. పట్టుబడిన గంజాయి విలువ రూ.45లక్షలు ఉంటుందని వెల్ల‌డించారు.
విజయవాడలో 200 కిలోల గంజాయి పట్టివేత:
ఇక విజయవాడలో ఇప్పటివరకు సుమారు 200 కిలోలకు పైగా గంజాయిని పట్టుకున్నట్లు డీసీపీ హరికృష్ణ తెలిపారు. గంజాయి విక్రయిస్తున్న 120 మందిని అదుపులోకి తీసుకున్నామని, 35 కేసులు నమోదు చేశామని చెప్పారు. మత్తు పదార్థాలు సేవించే 150 ప్రాంతాలను గుర్తించామని, అనుమానాస్పదంగా ఉన్న ప్రాంతాల్లో నిఘా పెడుతున్నామన్నారు. ప్రజల్లో అవగాహన కోసం ప్రత్యేక కార్యక్రమాలు చేస్తున్నామని వివరించారు.