దేశంలో ఒమిక్రాన్ కేసులు వెలుగు చేస్తున్న నేపథ్యంలో పలు రాష్ట్రాలు అలర్ట్ అయ్యాయి. తాజాగా ఒమిక్రాన్ వ్యాప్తి నివారణకు ఏపీ ప్రభుత్వం మరోమారు మార్గదర్శకాలు జారీ చేసింది. కేంద్రం, డబ్ల్యూహెచ్‌వో మార్గదర్శకాలను కఠినంగా అమలు చేయాలని నిర్ణయించింది. ఈ మేరకు బహిరంగ ప్రదేశాల్లో మాస్కు ధరించని వారికి రూ.100తో పాటు మాస్కు లేని వారిని దుకాణాలకు రానిస్తే యాజమాన్యానికీ భారీ జరిమానా విధించాలని ఆదేశించింది.
నిబంధనలు ఉల్లంఘిస్తే దుకాణాలు,వాణిజ్య ప్రదేశాలకు రూ.10 నుంచి రూ.25 వేల జరిమానాతో పాటు సంస్థలను 2 రోజుల పాటు మూసివేసేలా చర్యలు తీసుకుంటామని హెచ్చరించింది. ఉల్లంఘనలపై ప్రజలు వాట్సాప్‌ నం. 8010968295కు ఫిర్యాదు చేయాలని సూచించింది. జిల్లా కలెక్టర్లు, ఎస్పీ, పోలీసుకమిషనర్లకు ఉత్తర్వులు పెర్కొంది. తక్షణమే ఈ అదేశాల్లోకి వచ్చేలా ఉత్తర్వులు ఇచ్చింది.