కర్నూలు జిల్లా (నందవరం) : కర్నూలు జిల్లా నందవరం మండలంలో ఘోర రోడ్డు ప్రమాదం చోటుచేసుకుంది. ధర్మపురం గ్రామం దగ్గర ఉన్న 167జాతీయ రహదారిపై ఉదయం ఆదోని నుండి మంత్రాలయంకు వెళ్తున్న ఆటోను, బెంగళూరు నుండి మంత్రాలయంకు వస్తున్న కారు ఒక్కసారిగా వెనుక నుండి ఆటోను ఢీకొట్టింది. దీంతో ఆటోలో ప్రయాణిస్తున్న ఓ మహిళ అక్కడికక్కడే మృతిచెందగా.. మరో ఇద్దరి పరిస్థితి విషమంగా ఉండడంతో ఎమ్మిగనూరు ప్రభుత్వాసుపత్రికి తరలించారు.
అక్కడ చికిత్స పొందుతూ మరో ఇద్దరు మహిళలు మృతిచెందారు. దీంతో మృతుల సంఖ్య ముగ్గురికి చేరింది. మరో ముగ్గురికి తీవ్ర గాయాలయ్యాయి. అయితే ఇద్దరు మహిళలు నందవరం మండలం హాలహర్వి గ్రామానికి చెందిన వీరనాగమ్మ, గౌరమ్మ, మరో మహిళ మంత్రాలయం చెందిన బీబీ గా గుర్తించారు. ఈ ఘటనపై నందవరం పోలీసులు కేసు నమోదు చేసుకుని దర్యాప్తు చేస్తున్నారు.
- Advertisement -