కడప, అక్టోబర్ 30 (ఆంధ్రప్రభ) : కడప పట్టణంలోని అన్నా క్యాంటీన్ తయారీ వంటశాలలో భారీ పేలుడు సంభవించింది. మార్కెట్ యార్డు సమీపంలోని అన్నా క్యాంటీన్ ఆహార తయారీ శాలలో ఈ ఘటన చోటుచేసుకుంది. ఇవాళ తెల్లవారుజామున 3 గంటల సమయంలో గ్యాస్ లీక్ అయినట్లు తెలుస్తోంది.
గ్యాస్ లీక్ కావడంతో భారీ పేలుడు సంభవించింది. పేలుడు థాటికి వంటశాల షెడ్ ధ్వంసమైంది. వంట తయారీకి ఉపయోగించే బాయిలర్ 200అడుగుల మేరా ఎగిరిపడింది. వంట సామాగ్రి చెల్లాచెదురుగా పడిపోయాయి. తెల్లవారుజాము కావడం.. వంటలు వండకపోవడం.. సిబ్బంది బాయిలర్ వద్ద లేకపోవడంతో ప్రాణనష్టం తప్పింది. ఘటనా స్థలాన్ని నగరపాలక సంస్థ అధికారులతో పాటు పోలీసులు పరిశీలించారు. గ్యాస్ లీకేజీకి కారణాలపై ఆరా తీస్తున్నారు. ఈ ఘటనతో మార్కెట్ యార్డ్ పరిసర ప్రాంతాల్లో అలజడి రేగింది.
- Advertisement -