ఏపీలోని కృష్ణా జిల్లాలో ఇవ్వాల (మంగ‌ళ‌వారం) రాత్రి బైక్ యాక్సిడెంట్ జ‌రిగింది. అవనిగడ్డ నియోజకవర్గం నాగాయలంక మండలం వక్కపట్లవారిపాలెం పెట్రోల్ బంక్ వద్ద కొద్ది సేప‌టి క్రిత‌మే బైకుని ఆటో ఢీకొట్ట‌డంతో ఈ ప్ర‌మాదం జ‌రిగిన‌ట్టు స‌మాచారం. కాగా, ఘ‌ట‌నా స్థ‌లంలోనే బైకుపై వెళ్తున్న వ్య‌క్తి చ‌నిపోయాడు. మృతుడిని వేక‌నూరు గ్రామానికి చెందిన మాదివాడ రామాంజ‌నేయులుగా పోలీసులు గుర్తించారు. ఘ‌ట‌నా స్థలానికి చేరుకున్న పోలీసులు ప్ర‌మాదం తీరును ప‌రిశీలిస్తున్నారు. ఈ యాక్సిడెంట్‌కి సంబంధించి మ‌రింత స‌మాచారం తెలియాల్సి ఉంది.
- Advertisement -