షిరిడీ, ప్రభ న్యూస్: మహారాష్ట్రలోని షిరిడీ నుంచి ఆంధ్రప్రదేశ్ రాష్ట్రంలోని తిరుపతికి ఎయిర్లైన్స్ సేవలను ప్రారంభించనున్నట్టు మహారాష్ట్ర ఎయిర్పోర్ట్ డెవలప్మెంట్ అథారిటీ అధికారులు ఇవ్వాల వెల్లడించారు. ఈ మేరకు మార్చి 27 నుంచి విమాన సేవలు ప్రారంభమవుతాయని సంస్థ డిప్యూటీ చైర్మన్, మేనేజింగ్ డైరెక్టర్ దీపక్ కపూర్ తెలిపారు. కాగా, ముందుగా ఈ విమాన సర్వీసు మార్చి 29 నుంచి ప్రారంభించనున్నట్టు తెలిపినా.. కాస్త ముందుగానే అంటే ఆదివారం నుంచే సేవలు ఉంటాయని ఆయన చెప్పారు.
ఈ ఎయిర్లైన్స్ సేవలను స్సైస్ జెట్ ప్రారంభిస్తోందని, దేశంలోని ఈ రెండు ముఖ్యమైన దేవాలయాల సమూహానికి విమాన మార్గంలో కనెక్టివిటీ అనుసంధానించడం సంతోషకరమైన విషయమన్నారు. ఈ విమానం తిరుపతి నుంచి మధ్యాహ్నం 2 గంటలకు బయలుదేరి సాయంత్రం 5.45 గంటలకు షిర్డీ విమానాశ్రయానికి చేరుకుంటుంది.