కోదాడ – ప్రైవేటు ట్రావెల్స్ బస్సును తెలంగాణ ఆర్టీసీ బస్సు.. ఢీకొట్టింది. ఈ ప్రమాదంలో 30 మందికి గాయాలు.. అయ్యాయి. ఈ సంఘటన ఇవాళ ఉదయం కోదాడలోని కటకమ్మ గూడెం వద్ద చోటు చేసుకుంది.
హైదరాబాద్ నుంచి గోకవరం వెళ్తున్న ప్రైవేటు ట్రావెల్స్ బస్సు ను తెలంగాణ ఆర్టీసీ బస్సు.. ఢీకొట్టింది. కోదాడ సమీపంలో ప్రయాణికుల కోసం రోడ్డు పక్కకు ఆపారు బస్సు డ్రైవర్. ఇక అదే సమయంలో ప్రైవేటు ట్రావెల్స్ బస్సును వెనుక నుంచి ఢీకొట్టింది ఆర్టీసీ బస్సు. ఈ ప్రమాదంలో 30 మందికి గాయాలు అయ్యాయి.
దీంతో కోదాడ ప్రభుత్వ ఆసుపత్రికి క్షతగాత్రుల తరలించారు. బాధితుల్లో ముగ్గురి పరిస్థితి విషమంగా ఉందని చెబుతున్నారు. ఇక సంఘటనపై కేసు నమోదు చేసుకుని.. దర్యాప్తు చేస్తున్నారు పోలీసులు.