పొలాల్లోకి దూసుకెళ్లిన ఆమె ప్రయాణిస్తున్న కారు
సూర్యాపేట జిల్లాలో ఘటన
మరో కారును ఓవర్ టేక్ చేస్తుండగా ప్రమాదం
హైదరాబాద్ – ఏపీ కార్మిక శాఖ ప్రిన్సిపల్ సెక్రటరీ వాణి ప్రసాద్ కు తృటిలో ప్రమాదం తప్పింది. సూర్యాపేట జిల్లా మునగాల మండలంలోని ఆకుపాముల వద్ద వాణి ప్రయాణిస్తున్న కారు పంటపొలాల్లోకి దూసుకెళ్ళింది. మరో కారును ఓవర్ టేక్ చేస్తుండగా ఈ ఘటన జరిగింది. హైదరాబాద్ నుండి విజయవాడ వెళ్తుండగా ఈ ప్రమాదం చోటు చేసుకుంది. అయితే.. కారు పొలాల్లోకి వెళ్లటంతో ప్రమాదం నుండి సురక్షితంగా బయటపడ్డారు వాణి. ఎటువంటి ప్రమాదం జరగకపోవడంతో ఊపిరి పీల్చుకున్నారు. ఆమెను స్వ‌ల్ప చికిత్స కోసం సూర్యాపేట ప్రభుత్వాసుపత్రికి తరలించారు.అనంతరం ఆమె వేరే కారులో విజ‌య‌వాడ‌కు వెళ్లారు..