ఆంధ్రప్రదేశ్లోని నెల్లూరు జిల్లాలో ఘోర ప్రమాదం జరిగింది. మనుబోలు జాతీయ రహదారిపై ఇవ్వాల (శుక్రవారం)ఈ యాక్సిడెంట్ జరిగినట్టు తెలుస్తోంది. అదుపుతప్పిన ఓ కారు కంటైనర్ను ఢీకొనడంతో ఈ యాక్సిడెంట్ జరిగినట్టు స్థానికులు చెబుతున్నారు.
ఈ ప్రమాదంలో ఒకరు చనిపోయారు. మరో తొమ్మిది మందికి తీవ్ర గాయాలయ్యాయి. క్షతగాత్రులను ఆస్పత్రికి తరలించి చికిత్స అందిస్తున్నారు. బాధితులంతా ప్రకాశం జిల్లా పర్చూరు వాసులుగా పోలీసులు తెలిపారు. తిరుమల నుంచి తిరిగి వస్తుండగా ఈ ప్రమాదం జరిగినట్టు తెలుస్తోంది. దీనికి సంబంధించిన మరిన్ని వివరాలు తెలియాల్సి ఉంది.