కత్తులతో పొడిచి పేగులు తీసి పాసవికంగా హత్య
అనుమానాస్పద హత్యపై విచారణ చేపట్టిన పోలీసులు
గత ఏడాది హత్యకు గురైన మృతుడి కుమారుడు
ఆత్మకూరు, జులై 20 ప్రభ న్యూస్ : నంద్యాల జిల్లా పాములపాడు మండలం చెలిమిల్ల గ్రామ సమీపంలో అర్ధరాత్రి దారుణం చోటు చేసుకుంది. ఇస్కాల గ్రామానికి చెందిన గొర్రెల కాపరి అయినటువంటి లింగస్వామి అలియాస్ ఎర్రన్న అనే వ్యక్తిని గుర్తు తెలియని వ్యక్తులు అత్యంత దారుణంగా నరికి చంపి చెలిమిళ్ళ గ్రామ సమీపంలోని బ్రిడ్జిపై పడేశారు. గ్రామస్తుల సమాచారం మేరకు ఘటనా స్థలానికి చేరుకున్న పోలీసులు లింగస్వామి అలియాస్ ఎర్రన్నను ఎవరైనా హత్య చేసి పడేశారా, లేక ప్రమాదవశాత్తు వాహనం ఏదైనా ఢీకొని ఉంటుందా అన్న కోణంలో పోలీసులు విచారణ చేపట్టారు.
అయితే మృతుని బంధువులు ఎర్రన్నను నిన్న రాత్రి అతి కిరాతకంగా కత్తితో పొడిచి చంపి పొట్టను చీల్చి పేగులు బయటకు వేసి పాసవికంగా చంపారని, గత సంవత్సరం కూడా అతని కొడుకును ఇదే విధంగా అనుమానాస్పద రీతిలో ఉరివేసి చంపారని, ఇద్దరు హత్యలకు కారకులైన నిందితులను పోలీసులు పట్టుకొని వారిని కఠినంగా శిక్షించాలని డిమాండ్ చేశారు. కొడుకు చనిపోయిన బాధలో ఉన్న కుటుంబంలో తండ్రిని కూడా చంపారని, నిందితులను పట్టుకోకపోతే ఉన్నతాధికారులను కలిసి సమస్యను తెలియజేస్తామని, మృతుని బంధువులు రజక సంఘాల నాయకులు డిమాండ్ చేశారు. సంవత్సరం తిరగకముందే తండ్రి కొడుకు ఇలా అనుమానాస్పదంగా మృతి చెందడంతో గ్రామంలో ఒక్కసారిగా విషాద ఛాయలు అమలుకున్నాయి. లింగస్వామి అలియాస్ ఎర్రన్న మృతదేహాన్ని పోస్టుమార్టం కోసం ఆత్మకూరు ప్రభుత్వ ఆసుపత్రికి తరలించారు.