ఎమ్మిగనూరు అర్బన్ జూన్ 15,(ప్రభ న్యూస్) పట్టణంలోని విద్యుత్ కార్యాలయం దగ్గర ఎన్ హెచ్ 167 పై రోడ్డు ప్రమాదంలో ఇద్దరు యువకులు మృతి చెందారు.వివరాలుఎమ్మిగనూరు మండలం గుడికల్ గ్రామానికి చెందిన మాల శివ(15) నందవరం మండలం హాలహర్వి గ్రామనికి చెందిన గురుస్వామి (18) ఇద్దరు స్నేహితులు మోటార్ సైకిల్ పై వెళ్తుండగా విద్యుత్ కార్యాలయం దగ్గర మంత్రాలయం వైపు వెళ్తున్న కంటైనర్ బైక్ ను ఓవర్ టెక్ చేస్తున్న సమయంలో కంటైనర్ బైక్ హ్యాండిల్ కు తగలడంతో అదుపుతప్పిబైక్ పై వెళ్తున్న ఇద్దరు స్నేహితులు కంటైనర్ వెనక చక్రాల్లో పడిపోయినట్లు ఘటన చూసిన వారు చెబుతున్నారు.
మాల శివ అనే కుర్రాడు ఈ సంవత్సరంలోనే పదవ తరగతి పాస్ అయినాడు. నందవరం మండలం హలహర్వి గ్రామానికి చెందిన మాల గురుస్వామి బేకరీ షాప్ లో గుమస్తాగా పనిచేస్తున్నాడు.పట్టణ పోలీసులు కేసు నమోదు చేసుకుని దర్యాప్తు చేస్తున్నారు.ఇద్దరు స్నేహితులను చిన్న వయసులోనే రోడ్డు ప్రమాదం వారి జీవితాన్ని చిది వేయడంతో కుటుంబ సభ్యులు కన్నీరు పెట్టిన తీరు ప్రజలను కలించి వేసింది.యువకులు రోడ్డు ప్రమాదంలో మృతి వార్త విని రెండు గ్రామాల్లో విషాదఛాయలు అలుముకున్నాయి.