ఏపీ ప్రభుత్వం రైతులకు శుభవార్త చెప్పింది. ఏపీ ఫార్మ్ ఫండ్ స్కీమ్‌-2024 పథకం ద్వారా రైతులకు రూ.75 వేలు సబ్సిడీ అందజేస్తుంది. కరువు పీడిత ప్రాంతాల్లో ఉద్యాన పంటల సాగులో నీటి కొరత సమస్యలను పరిష్కరించేందుకు ఈ పథకాన్ని ప్రారంభించారు.
నీటి కొరత ఉన్న ప్రాంతాల్లో స్థిర‌మైన వ్యవ‌సాయ ప‌ద్ధతుల‌ను ప్రోత్సహిస్తూ.. ఈ పథకం ద్వారా 12 లక్షల లీటర్ల వరకు నీటిని నిల్వ చేసేందుకు జియో-మెమ్బ్రేన్ షీట్ల ద్వారా ఫారం పాండ్లను నిర్మించ‌నున్నారు. వేస‌వి కాలంలో రెండు ఎక‌రాల్లో రెండు పంట‌లకు స‌రిపడా నీటిని అందించ‌గ‌ల సామ‌ర్థ్యం ఈ ఫారం పాండ్లకు ఉంటుంది. కాగా, చెరువు నిర్మాణానికి మొత్తం ఖ‌ర్చు రూ.1.50 ల‌క్షలు కాగా, రాష్ట్ర ప్రభుత్వం సబ్సిడీ ద్వారా సంగం డ‌బ్బు రూ.75 వేలు ఇస్తుంది.
ఈ స్కీమ్‌కు అవ‌స‌ర‌మైన పత్రాలు
ల్యాండ్ టైటిల్‌, పాస్‌పుస్తకం, ఆధార్ కార్డు, బ్యాంక్ పాస్‌బుక్‌, దరఖాస్తు ఫారం.
దరఖాస్తు ప్రక్రియ
మీ సేవ కేంద్రంలో దరఖాస్తు నమోదు చేసుకొని.. దరఖాస్తు ఫారమ్ పూర్తి చేసి రైతు భరోసా కేంద్రంలో (RBK) సమర్పించాలి. అధికారుల ఆమోదం తర్వాత చెరువుల తవ్వకం ప్రారంభించాలి. జియో-మెమ్బ్రేన్ షీట్‌ను ఇన్‌స్టాల్ చేయాలి. దాన్ని ధ్రువీక‌రించిన త‌రువాత రూ.75 వేల సబ్సిడీ నేరుగా రైతు బ్యాంకు ఖాతాకు జ‌మ అవుతుంది.