కారు రూపంలో దూసుకొచ్చిన మృత్యువు.. ముగ్గురి మృతి

గుంటూరుజిల్లాలోని ఫిరంగిపురం సమీపంలో తెల్లవారుజామున ఘోర రోడ్డు ప్రమాదం జరిగింది. వేగంగా వచ్చిన కారు.. బైక్‌ను ఢీకొట్టింది. ఈ ప్రమాదంలో ముగ్గురు అక్కడికక్కడే మృతి చెందారు. ఈ ఘటన గుంటూరు జిల్లాలోని వేములూరి పాడు వద్ద చోటు చేసుకుంది. తాళ్లూరు నుంచి అమరావతి వెళ్తుండగా ప్రమాదం జరిగింది. మృతులంతా ఫిరంగిపురం మండలం తాళ్లూరుకు చెందిన షేక్ చినహుస్సేన్(55), నూర్జహాన్(45), హుస్సేన్(25)గా గుర్తించారు. సమాచారం తెలుసుకున్న పోలీసులు ఘటనా స్థలానికి చేరుకుని కేసు నమోదు చేసుకుని దర్యాప్తు చేస్తున్నారు. మృతదేహాలను గుంటూరు ప్రభుత్వ వైద్యశాలకు తరలించారు. కారు డ్రైవర్ పరారీలో ఉన్నాడు.