పాదచారులపై దూసుకెళ్లిన కారు…ఇద్దరు మృతి

అనంతపురంజిల్లాలోని పెద్దవడుగూరు మండలం మిడుతూరులో శుక్రవారం జరిగిన రోడ్డు ప్రమాదంలో ఇద్దరు మృతి చెందారు. ఓ కారు.. రోడ్డుపై వెళ్తున్న పాదచారులపై దూసుకెళ్లింది. దీంతో ఇద్దరు వ్యక్తులు అక్కడికక్కడే మృతి చెందారు. మృతులు మిడుతూరు వాసులు నారాయణ, యాకుబ్‌గా గుర్తించారు. సమాచారం అందిన వెంటనే పోలీసులు అక్కడకు చేరుకుని మృతదేహాలను స్వాధీనం చేసుకున్నారు. కేసు నమోదు చేసి దర్యాప్తు చేపట్టారు.