92. గతా స్తేమంచత్వంద్రుహిణహరిరుద్రేశ్వరభృతః
శివ స్వచ్ఛచ్ఛాయా కపట ఘటితప్రచ్ఛదపటః
త్వదీయానాంభాసాం ప్రతిఫలన రాగారుణతయా
శరీరీశృంగారో రస ఇవ దృశాందోగ్ధికుతుకం.
తాత్పర్యం: అమ్మా! జగజ్జననీ! బ్రహ్మ, విష్ణు, రుద్ర, ఈశ్వరులు నలుగురు నీవు అధిష్ఠించు మంచము యొక్క నాలుగుకోడుల రూపంలో ఉన్నారు. సదాశివుడు తన స్వచ్ఛమైన తెల్లని కాంతితోకూడిన దుప్పటి అయి, ఎఱ్ఱని నీ మేని కాంతులు ప్రతిఫలించటం వల్ల ఎఱ్ఱగా మారిపోయి, మూర్తీభవించిన శృంగారరసం లాగా కనువిందు చేస్తున్నాడు.
- డాక్టర్ అనంత లక్ష్మీ
