MLA | రహదారుల ప్రగతి ప్రథమ లక్ష్యం..
MLA | రహదారుల ప్రగతి ప్రథమ లక్ష్యం..
- షాద్ నగర్ ఎమ్మెల్యే వీర్లపల్లి శంకర్..
- రైతు కాలనీలో సీసీ రోడ్ల కు శంకుస్థాపన..
- పాల్గొన్న వార్డు ప్రజలు, నాయకులు
- షాద్ నగర్ రూపురేఖలు మారుస్తా: ఎమ్మెల్యే
MLA | షాద్ నగర్, ఆంధ్రప్రభ : రహదారుల ప్రగతి, కాలువల నిర్మాణం ద్వారా షాద్ నగర్ మున్సిపాలిటీ రూపురేఖలు పూర్తిస్థాయిలో మారుస్తానని ఎమ్మెల్యే వీర్లపల్లి శంకర్ అన్నారు. పట్టణంలోని రైతు కాలనీ పరిధిలో 10, 27 వార్డులకు సంబంధించిన సీసీ రోడ్డు పనులకు ఇవాళ ఆయన శంకుస్థాపన చేశారు. ఈ సందర్భంగా ఆయన మాట్లాడుతూ… ఎన్నికల్లో జయాపజయాలు ఎలా ఉన్నా కాలనీల అభివృద్ధి విషయంలో మాత్రం ఎట్టి పరిస్థితుల్లోనూ రాజీ పడేది లేదని స్పష్టం చేశారు. ఈ రహదారి పనులు త్వరలోనే ప్రారంభమవుతాయని వెల్లడించారు.
మున్సిపాలిటీలో అన్ని వార్డులలోనూ అభివృద్ధి పనులు చకచకా జరుగుతున్నాయని ఈ సందర్భంగా ఆయన స్పష్టం చేశారు. మార్కెట్ కమిటీ వైస్ చైర్మన్ మొహమ్మద్ అలీ ఖాన్ బాబర్, మాజీ కౌన్సిలర్లు జమృత్ ఖాన్, శ్రావణి, నేతలు చెంది తిరుపతిరెడ్డి, మురళీమోహన్ (అప్పి), అగ్గునూరు బస్వం, అందే మోహన్, రాజేందర్ రెడ్డి, మంగ మధు రైతు కాలనీ వాసి ప్రభాకర్ రెడ్డి మల్లేష్ గౌడ్ అప్పి, ప్రదీప్, సాయిలు, తదితరులు పాల్గొన్నారు.
