24mayipl | గెలిస్తేనే ప్లేఆఫ్స్ అవకాశాలు
24mayipl | గెలిస్తేనే ప్లేఆఫ్స్ అవకాశాలు
24mayipl | ఆంధ్రప్రభ వెబ్డెస్క్ : ఐపీఎల్ 2026 లీగ్ దశలో కీలక మ్యాచ్ జరగనుంది. లీగ్ దశలో 69వ మ్యాచ్లో రాజస్థాన్ రాయల్స్, ముంబై ఇండియన్స్ జట్లు తలపడనున్నాయి. ఈ మ్యాచ్ ప్లేఆఫ్స్ దృష్ట్యా చాలా కీలకంగా మారింది. మధ్యాహ్నం 3:30 గంటలకు వాంఖేడ్ స్టేడియం వేదికగా మ్యాచ్ జరగనుంది. స్టార్ స్పోర్ట్స్, జియో స్టార్ లో ప్రత్యక్ష ప్రసారం జరగనుంది. రాజస్థాన్ రాయల్స్కు ఇది “డూ ఆర్ డై” మ్యాచ్. గెలిస్తే ప్లేఆఫ్స్ అవకాశాలు బలపడతాయి. ముంబై ఇండియన్స్ ఇప్పటికే ప్లేఆఫ్స్ రేసు నుంచి బయటపడినా, స్వదేశ మైదానంలో గెలిచి సీజన్ను గౌరవప్రదంగా ముగించాలని చూస్తోంది.
హెడ్ టు హెడ్ రికార్డు
ఇరు జట్ల మధ్య మొత్తం 33 మ్యాచ్లు జరిగాయి. ఇందులో ముంబై 17 విజయాలు, రాజస్థాన్ 16 విజయాలు సాధించాయి. వాంఖడే పిచ్ సాధారణంగా బ్యాటర్లకు అనుకూలంగా ఉంటుంది. హై స్కోరింగ్ మ్యాచ్ అయ్యే అవకాశముంది. వర్షం అవకాశం స్వల్పంగా ఉన్నా, మ్యాచ్పై పెద్దగా ప్రభావం ఉండకపోవచ్చని అంచనా. టాస్ గెలిచిన జట్టు ఛేజింగ్ ఎంచుకునే అవకాశం ఉంది.
రాజస్థాన్కు కీలక ఆటగాళ్లు : యశస్వి జైస్వాల్, వైభవ్ సూర్యవంశీ, రియాన్ పరాగ్, జడేజా తదితరులు
ముంబై జట్టుకు కీలక ఆటగాళ్లు : హార్దిక్ పాండ్యా, సూర్యకుమార్ యాదవ్, తిలక్ వర్మ, బుమ్రా తదితరులు
మ్యాచ్ పరిస్థితి ఎలా ఉంది?
రాజస్థాన్ ప్రస్తుతం 14 పాయింట్లతో ప్లేఆఫ్స్ రేసులో ఉంది. ఈ మ్యాచ్ గెలిస్తే నేరుగా టాప్-4లోకి చేరుతుంది. ఓడితే టోర్నీ నుంచి బయటపడే ప్రమాదం ఉంది. ముంబై ఇప్పటికే ప్లేఆఫ్స్ రేసు నుంచి తప్పుకుంది. అయినప్పటికీ వాంఖడేలో అభిమానుల ముందే చివరి మ్యాచ్ కావడంతో గెలిచి సీజన్ను ముగించాలని చూస్తోంది.
రాజస్థాన్ బలాలు
రాజస్థాన్ జట్టు ఓపెనింగ్ దుమ్మురేపుతోంది. యశస్వి జైశ్వాల్, వైభవ్ సూర్యవంశీ ఈ సీజన్లో పవర్ప్లేలో భారీ ఆరంభాలు ఇస్తున్నారు. గత మ్యాచ్లో కూడా ముంబై బౌలర్లపై దాడి చేసి మ్యాచ్ను ఏకపక్షం చేశారు. బౌలింగ్లో ఆర్చర్ ప్రభావం చూపుతున్నాడు. కొత్త బంతితో ప్రమాదకరంగా మారుతున్నాడు. ముఖ్యంగా రోహిత్ శర్మతో అతని పోటీ మ్యాచ్ టర్నింగ్ పాయింట్ కావచ్చు.
ఎవరికీ ఎక్కువ అవకాశాలు?
ప్రస్తుత ఫామ్, ప్లేఆఫ్స్ ఒత్తిడి, బ్యాటింగ్ డెప్త్ను చూస్తే రాజస్థాన్కు స్వల్ప ఆధిక్యం కనిపిస్తోంది. ముఖ్యంగా ఓపెనర్లు మంచి ఆరంభం ఇస్తే RR గెలిచే అవకాశాలు ఎక్కువ. అయితే వాంఖడేలో ముంబైను తక్కువ అంచనా వేయడం ప్రమాదకరం.
CLICK HERE TO READ 23mayipl | ఐపీఎల్లో పంజాబ్కు కీలక మ్యాచ్
