Friday, March 29, 2024

అన్నమయ్య సంకీర్తనలు

వీధుల వీధుల

రాగం : శుద్ధ సావేరి

వీధుల వీధుల విభుడేగేనిదె
మోదము తోడుత మొక్కరో జనులు || వీధుల వీధుల ||

గరుడ ధ్వజమదె కనకరధంబదె
అరదముపై హరి అలవాడే
ఇదుదెసలనున్నారు ఇందిరయు భువియు
పరగ పగ్గములు పట్టరో జనులు || వీధుల వీధుల ||

ఆడేరదివో అచ్చరలెల్లరు
పాడేరు గంధర్వ పతులెల్ల
వేడుకతో వీడె విష్వక్సేనుడు
కూడి ఇందరును కొలువరో జనులు || వీధుల వీధుల ||

- Advertisement -

శ్రీ వేంకటపతి శిఖరముచాయదె
భావింప బహువైభవములవె
గోవింద నామపు ఘోషణలిడుచును
దైవం బితడని తలచరో జనులు || వీధుల వీధుల ||

Advertisement

తాజా వార్తలు

Advertisement